O meu Concello
A auga, fonte de vida, corre por Ribadumia a través de innumerables regatos, que se funden co río Umia, eixe da comarca e deste concello, o que por dar, dálle ata o nome. Co Umia como protagonista principal, Ribadumia convertese nun escenario paisaxístico excepcional, cun importante patrimonio natural e etnográfico.
Máis informaciónUn dos atractivos de Ribadumia sen dúbida está nas súas sendas fluviais. Máis de dez quilómetros de sendas nun entorno privilexiado e dunha gran beleza paisaxística, acompañados de muíños, lavadoiros e fontes, que aportan unha importante riqueza etnográfica.
Máis informaciónNun outeiro Ribadumia agocha un importante legado arqueolóxico: O Castro de Besomaño.
Máis informaciónRibadumia é terra de auga. Centos de regatos, regos e canles cruzan o concello regando os seus campos e sumándose o río Umia. E a auga de moitos deses regatos foron aproveitados no seu día como forza motriz dos muíños, onde se moia o cereal co que logo se facía o pan, alimento dunha importancia tan capital na dieta dos habitantes de Ribadumia que mesmo as medidas das terras de facía en “cuncas e ferrados de pan”, unhas medidas que se seguen usando hoxe en día.
Máis informaciónRibadumia é un concello cunha forte tradición deportiva. Neste concello de só cinco mil habitantes, o deporte ten unha presenza moi forte e a día de hoxe conviven dous clubes de fútbol, un de piragüismo con éxitos a nivel internacional, un de tenis de mesa que tamén ten importante presenza a nivel autonómico e mesmo nacional, e incluso un club de padel.
Máis informaciónOutro dos encantos que Ribadumia ofrece o visitante son as bodegas locais, de onde se transforman en viño unha boa parte dos quince millóns de quilos de uva que se recollen cada ano no Salnés. Visitar algunha destas pequenas bodegas lévanos a un mundo onde a tradición vinícola se entronca coa modernidade das máis actuais técnicas, e sen dúbida a experiencia ben merece a pena.
Máis información
