Información Municipal  |  Servizos

O Concello de Ribadumia ofrece aos seus habitantes os seguintes servizos, que se describen a continuación:  

• Atención ao cidadán
• Secretaría
• Intervención e Tesourería
• Urbanismo
• Persoal
• Padrón de Habitantes
• Punto de Información Catastral (PIC)
• Servizos Sociais
• Desenvolvemento Local, Emprego e Orientación Laboral
• OMIX
• Cultura
• Deportes
• Turismo
• Medio Ambiente
• Protección Civil

ATENCIÓN AO CIDADÁN:

O servizo de atención ao cidadán está situado na planta baixa da casa Consistorial. As súas funcións son:

• Atención ao público, tanto persoal como telefonicamente
• Entrada no concello de toda a documentación oficial provinte de institucións e de particulares
• Saída de toda a documentación oficial desde o concello
• Arquivo xeral do Concello

SECRETARÍA:

A secretaría xeral é un órgano de funcionamento principalmente interno que ten como funcións principais a de asesoramento legal preceptivo, e a de fe pública, é dicir, ten que ser testigo de todo aquelo que afecte á corporación municipal e deixar constancia fidedigna das decisións e das resolucións que se tomen.

Funcións:

• Preparación dos asuntos que teñan que ser incluídos na orde do día das sesións que realice o pleno, a Comisión de Goberno ou a Corporación Municipal en que se adopten acordos que a vinculen
• Levantamento de acta das sesións antes referidas, certificación de todolos actos ou resolucións e a súa anotación nos expedientes afectados
• Comunicación á Administración do Estado e da Comunidade Autónoma dos actos e dos acordos tomados
• Autorización das actas de tódalas licitacións, contratos e documentos administrativos en que interveña a entidade
• Emisión de informes previos cando así se solicite, cando o asunto necesite unha maioría especial para aprobarse ou cando un precepto legal así o estableza
• Informar nas sesións ás que asiste dos aspectos legais do asunto que se discuta
• Acompañar ó Presidente ou membros da Corporación nos actos de firma de escritura

INTERVENCIÓN:

Intervención é o departamento encargado do control e da fiscalización interna, da xestión económico-financeira e orzamentaria, e da contabilidade

Funcións:

• Fiscalización de todo acto, documento ou expediente de contido económico (ou con repercusión financeira ou patrimonial).
• Intervención dos ingresos tributarios e da ordenación dos pagos e da súa realización material
• Comprobación formal da aplicación de cantidades destinadas a obras, subministros, adquisicións e servizos, así como recepción, exame e censura dos seus xustificantes
• Informe dos proxectos de orzamento e dos expedientes de modificación de créditos
• Coordinación das funcións ou das actividades contables da entidade local
• Informe dos proxectos de orzamentos, redacción da Conta Xeral do Presuposto e da Administración do Patrimonio
• Exame e informe das contas da Tesourería

TESOURERÍA:

É o departamento do concello encargado do manexo e da custodia dos fondos da entidade local así como da xefatura dos servizos de recadación.

Funcións:

• Realización de todolos cobros e pagos do concello
• Organización e custodia de tales fondos
• Execución das ordes de pago
• Formación dos plans e dos programas de Tesourería

URBANISMO:

É o departamento onde se tramitan os expedientes relacionados coa disciplina urbanística e coa ordenación do territorio.

Funcións:

• Información de licencias
• Inspección urbanística
• Información urbanística

PERSOAL:

É o departamento do concello que xestiona a contratación de persoal así como todo o relacionado co persoal, o seu réxime laboral, os seus dereitos e os seus deberes.

PADRÓN DE HABITANTES:

É o rexistro administrativo onde constan os veciños do municipio. Os seus datos constitúen proba da residencia no municipio e do domicilio habitual. As funcións son:

• A formación do padrón, o seu mantemento (altas, baixas e modificacións), revisión e custodia
• A súa actualización permanente

PUNTO DE INFORMACIÓN CATASTRAL:

• Servizo de consulta libre e certificación electrónica de datos catastrais non protexidos e de cartografía dixital
• Servizo de consulta e de certificación electrónica para os titulares catastrais de datos catastrais protexidos, relativo aos inmobles da súa titularidade
• Servizo de certificación negativa de bens inmobles ou da circunstancia de non figurar como titular catastral, relativa ao propio solicitante 

SERVIZOS SOCIAIS:

Os servizos sociais son un sistema público de protección social dirixido ao conxunto da poboación do Concello de Ribadumia e teñen por obxecto promover e posibilita-lo desenvolvemento do benestar social de tódolos cidadáns.

Programas municipais:

• Educación familiar
• Servizo de axuda no fogar
• Programa Berenguela (rematado)
• Aula de Acollida
• Escola para o Ocio e o Tempo Libre
• Servizo de Respiro Familiar
• Información, orientación e asesoramento
• Tramitación de prestacións
• Inserción social
• Teleasistencia domiciliaria
• Programa de alimentos
• Atención xurídica ó inmigrante, emigrante retornado e á muller
• Programa de atención a colectivos con necesidades específicas
• Viaxes anuais para a Terceira Idade
• Cooperación Social e Voluntariado
• Escola de Nais e Pais
• Apoio Educativo
• Cursos e actividades formativas
• Educación de adultos
• Roupeiro Municipal

Os destinatarios dos Servizos Sociais son a familia, a infancia, a mocidade, as persoas maiores, as persoas con discapacidade, persoas con drogodependencias, muller, marxinación social e migracións.

DESENVOLVEMENTO LOCAL, EMPREGO E ORIENTACIÓN LABORAL:

O servizo de Desenvolvemento Local e Emprego dedícase fundamentalmente a tarefas de intermediación e facilitación no apoio ó desenvolvemento económico, a través de accións de asesoramento, información, formación, formulación de proxectos e tódalas actuacións que impulsen o desenvolvemento económico e a creación de emprego no municipio.

Os destinatarios deste servicio son os particulares, emprendedores e todo tipo de empresas.

Programas:

• Programa Berenguela (xa rematado)
• Programa de Cooperación
• Grupo de Desarrollo Rural (GDR)
• Grupo de Acción Costeira (GAC)
• Pacto Territorial de Emprego do Salnés

OMIX:

A OMIX como oficina de información xuvenil é a ferramenta que no Concello de Ribadumia trata de informar, asistir e axudar en todos aqueles asuntos que teñan relación coa mocidade, formación, emprego, vivenda, ocio, asociacionismo, carné xove, premios e concursos, programas da Xunta, voluntariado, saúde e sexualidade, axudas,...

A Oficina de Información Xuvenil está situada na Casa da Cultura de Ribadumia, e o seu enderezo electrónico é omixribadumia@yahoo.es

CULTURA:

Dende a Concellería de Cultura trabállase na procura dos seguintes obxectivos:

• Descentraliza-la oferta cultural, desenvolvento unha rede de centros sociais nas distintas parroquias (habendo neste momento un centro social por parroquia) corrixindo deste xeito, as desigualdades no acceso á cultura. Nestes centros realízanse diversas actividades, tanto do ámbito da cultura, a educación, o ocio,...
• Promove-la conservación do patrimonio cultural, organizando e patrocinando todos aqueles eventos a favor da defensa da tradición cultural e festiva do noso Concello.
• Programación cultural do Auditorio Municipal Santa Baia: tódolos fins de semana o Auditorio Municipal conta cunha programación variada para todo tipo de públicos.
• Outros programas: Inglés para todos, Piratas do Umia, cursos de informática...
• Escola Municipal de Teatro de Ribadumia
• Escola Municipal de Música de Ribadumia

TURISMO:

O Concello de Ribadumia ven potenciando turisticamente o municipio a través de actividades nas que se dan a coñecer os seus principais recursos naturais, paisaxístico e patrimonias, tal é o caso das visitas guiadas polos muíños, adegas ou pazos.

Para ofrecer un mellor servizos ós nosos visitantes dispoñemos dun punto de información turístico, aberto todo o ano, e un Centro de Interpretación da Natureza que abrirá as suas portas en breve.

DEPORTES:

O Concello de Ribadumia aposta por ofrecer instalacións deportivas de calidade en tódalas parroquias do municipio, ao mesmo tempo que potenciar o deporte como competición e como forma de vida saudable desde a base. Así, ademais de colaborar e organizar competicións deportivas durante todo o ano, a Concellería de Deportes tamén colabora económicamente cos clubes locais.

• Escola Municipal de Judo
• Escola Municipal de Tenis
• Escola Municipal de Patinaxe

PROTECCIÓN CIVIL:

A Agrupación de voluntarios de Protección Civil constituiuse en decembro de 1997. Esta agrupación está inscrita no Rexistro de Agrupación/ Asociación de Protección Civil, no folio 163 e co número 163, conforme ó Decreto 56/2000 de 3 de marzo. Para a realización das suas labores de intervención en diversas situacións (accidentes de tráfico, rescates, incendios,...), contan ademais de con recursos humanos cos recursos materiais necesarios para intervir en cada caso.