O campo conta con herba natural e ademais de ser empregado para disputar os partidos do Ribadumia C.F. nel dispútanse diferentes torneos e eventos deportivos ao longo do ano. As instalacións contan cun campo anexo empregado para o fútbol base.
Como chegarSituado en Barrantes, conta cun terreo de herba sintética. O campo municipal soporta unha grande afluencia de xogadores e competicións ao ser a sede do UMIA C.F., de equipos afeccionados e veteranos como o Boa Vila de Barrantes ou C.P.I. Julia Becerra que tamén o emprega para a súa actividades deportiva.
Como chegarO multiusos de Ribadumia acolle ao longo de todo o ano a práctica de diversas disciplinas deportivas nunha moderna instalación situada á beira do Campo de Fútbol de Ribadumia. Ademais, acolle unha grande variedade de probas e torneos de renome no calendario deportivo anual.
Como chegarEsta instalación é utilizada por numerosos veciños da localidade, xa que acolle as escolas deportivas de patinaxes e tenis de mesa, partidos de fútbol sala e diversos encontros de afeccionados.
Como chegarEsta instalación é utilizada polos veciños do municipio para realizar diferentes actividades, tanto deportivas como culturais. A súa situación, preto das instalacións escolares do CPI Julia Becerra Malvar.
Como chegarO Concello de Ribadumia acolle ao longo do ano numerosas actividades deportivas que son un referente no panorama internacional deportivo. Este recoñecemento é posible grazas ás asociacións que se dedican día a día a traballar para que o deporte local saia adiante.
O Clube Náutico O Muíño nace en Ribadumia en 1995 e desde entón o seu recoñecemento foi aumentando ata converterse nun dos clubes de piragüismo referentes no ámbito internacional. O seu recoñecemento non só se debe aos éxitos dos seus deportistas, senón que este clube organiza cada ano probas deportivas de importante nivel como a Baixada do Umia, ou o Duatlón Cross, no que actúa coma entidade colaboradora.
O Umia C.F fundouse no 1924, o que o converte no clube máis lonxevo do municipio. Con oito categorías en plantilla, o Umia C.F. promove o deporte desde a canteira ata a base cuns colores que moven unha gran afección no municipio.
O C.D. Ribadumia confórmase coma un clube de referencia con máis de 50 anos de idade. Desde a categoría de Terceira División ata o fútbol base, o equipo representa o sentimento dunha grande afección e xunto ao UMIA C.F. impóñense coma os meirandes expoñentes deste xogo na zona do Salnés.
O Clube de Tenis de Mesa de Ribadumia conseguiu pouco a pouco implantar este deporte no noso municipio converténdose nun dos clubes referentes en Galicia.
O Clube Salnés Padel aterrou recentemente no noso municipio e desde que se instalaron, conseguiron asentar este deporte a través da súa formación, torneos e actividades.
O concello de Ribadumia conta cunha oficina municipal de información xuvenil (OMIX), desde a que se dá apoio aos nosos mozos en diferentes eidos, como o asociacionismo xuvenil, programas da dirección xeral de xuventude, iniciativa nova, cursos e formación, diferentes campañas, voluntariado xuvenil ou emprego xuvenil. Desde esta oficina tamén se tramita o carné xove, e outros que ofrecen múltiples vantaxes.
O concello de Ribadumia conta entre as súas instalacións cun ximnasio municipal. Atopase nas instalacións náuticas de Cabanelas, e ten o seguinte horario:
Para facerche socio do ximnasio ou obter información mais detallada, podes acceder a través deste enlace á plataforma do concello omeuconcello.ribadumia.org
Nas mesmas instalacións está tamén a piscina municipal, que funciona na tempada de verán. O horario é:
Para acceder á piscina municipal podes facelo pagando unha entrada diaria ou facéndoche socio. Tes toda a información na plataforma do concello omeuconcello.ribadumia.org
Como chegar